Pas përfundimit të javës së 10-të të kampionatit Abissnet Superiore, qw transmetohet nw RTSH, Drejtoria Teknike e Federatës së Futbollit ka përzgjedhur formacionin më të mirë të kësaj jave, sipas skemës 3-4-2-1.

Në formacionin e javës spikasin lojtarët e Partizanit, me tre futbollistë të përzgjedhur, pas fitores 1-0 në transfertë ndaj Teutës, ndërsa Egnatia dhe AF Elbasani përfaqësohen me nga dy lojtarë.

Pjesë e 11-shes më të mirë janë gjithashtu futbollistë të Dinamo City, Vllaznisë, Skënderbeut dhe Vorës.

Formacioni më i mirë i javës së 10-të (3-4-2-1):

Portier: Pano Qirko (Partizani)

Mbrojtës: David Atanaskoski (Partizani), Elmando Gjini (AF Elbasani), Georgios Lagonidis (Skënderbeu)

Mesfushorë: Edon Murataj (Vllaznia), Dion Vata (Partizani), Malomo (Dinamo City), Dario Daka (Vora)

Mesfushorë ofensivë: Alessandro Albanese (Egnatia), Karim Loukili (Egnatia)

Sulmues: Atdhe Mazari (AF Elbasani)

Trajneri më i mirë i javës së 10-të është përzgjedhur Mislav Karoglan. Tekniku i Partizanit u zgjodh pas fitores së rëndësishme në transfertë ndaj Teutës, që i dha fund serisë prej gjashtë humbjesh radhazi për skuadrën kryeqytetase.