Një rrjet ndërkombëtar i dyshuar për mashtrime me investimet online është goditur në një operacion të koordinuar nga Eurojust dhe Europol, ku pjesë ishte edhe Shqipëria. Në kuadër të aksionit janë arrestuar shtatë persona, kontrolluar 17 ambiente dhe sekuestruar mbi 100 servera. Operacioni u zhvillua në disa shtete, përfshirë Shqipërinë, Kosovën, Gjermaninë dhe Qipron.
Sipas hetimeve, rrjeti mashtronte qytetarët përmes platformave të rreme të investimeve në kriptovaluta, valuta të huaja dhe aksione. Humbjet financiare vlerësohen në mbi 4 milionë euro.
Hetimet nisën në vitin 2022, pas denoncimit të një çifti gjerman që humbi kursimet duke investuar në një platformë online. Nga Shqipëria në operacion morën pjesë SPAK, Byroja Kombëtare e Hetimit dhe Policia e Shtetit, në bashkëpunim me autoritetet ndërkombëtare.
Veprimet u kryen nga autoritetet e mëposhtme:
Gjermania: Zyra e Prokurorit Publik në Gjykatën Rajonale të Itzehoe, Departamenti për Luftimin e Krimit Kibernetik; Zyra Shtetërore e Hetimit Penal Schleswig-Holstein
Qipro: Policia e Qipros
Finlanda: Byroja Kombëtare e Hetimit
Shqipëria: Zyra e Prokurorisë së Posaçme kundër Korrupsionit dhe Krimit të Organizuar (SPAK); Byroja Kombëtare e Hetimit; Policia e Shtetit Shqiptar
Izrael: Policia e Izraelit – Njësia Kombëtare e Krimit Kibernetik Lahav 433 dhe Njësia e Ndihmës Ligjore – Dega e Inteligjencës
Kosovë: Prokuroria Speciale e Republikës së Kosovës; Policia e Kosovës – Drejtoria për Hetimin e Krimeve Ekonomike dhe Korrupsionit – Sektori i Hetimeve Financiare
Maqedonia e Veriut: Zyra e Prokurorisë Themelore Publike për Ndjekjen Penale të Krimit të Organizuar dhe Korrupsionit; Ministria e Brendshme, Byroja për Sigurinë Publike – Departamenti për Shtypjen e Krimit të Organizuar dhe të Krimit të Rëndë
më shkurt si lajm
Writing