Rast i rëndë në Pejë, një person arrestohet për ngacmim seksual ndaj vajzës së tij të mitur

Një rast i rëndë është raportuar në Pejë, ku një person është arrestuar dhe ndaluar për 48 orë, nën dyshimin për kryerjen e dy veprave penale kundër integritetit seksual. Sipas informacioneve, viktimë e rastit dyshohet të jetë vajza e tij e mitur.

Lajmi është konfirmuar nga zëdhënësi i Prokurorisë Themelore në Pejë, Shkodran Nikçi, i cili bëri të ditur se prokurori i shtetit ka paraqitur kërkesë për caktimin e masës së paraburgimit ndaj të dyshuarit.

Nikçi theksoi se viktima ka marrë trajtimin e nevojshëm dhe ndodhet nën përkujdesjen e institucioneve shtetërore.

Ndërkohë, sipas raportit 24-orësh të Prokurorit të Shtetit, Departamenti për të Mitur ka paraqitur një kërkesë për caktimin e masës së paraburgimit ndaj një personi, për veprat penale “Sulmi seksual” dhe “Materiale me përmbajtje të shfrytëzimit dhe keqpërdorimit të fëmijëve”.