Apeli i Gjykatës së Posaçme ka lënë në fuqi masën e sigurisë “arrest në shtëpi” për ish-drejtoreshën e Shërbimit Informativ Shtetëror, Vlora Hyseni.

Gjykata ka konfirmuar vendimin e GJKKO-së së Shkallës së Parë, e cila kishte pranuar kërkesën e SPAK-ut për caktimin ndaj Hysenit të masave të sigurisë “arrest në shtëpi” dhe “pezullim i ushtrimit të një detyre a shërbimi publik”.

Ish-kreu i SHISH-it dyshohet për veprat penale “Përkrahja e autorit të krimit” dhe “Zbulimi i akteve ose të dhënave sekrete”. Sipas dyshimeve të hetimit, Hyseni i ka vënë në dispozicion materiale sekrete shtetërore Ergys Agasit, i arrestuar në kuadër të hetimeve për çështjen e AKSHI-t.

“1. Miratimin e Vendimit nr. 67, datë 21.09.2026 te Gjykates së Posaçme te Shkalles së Parë per Korrupsionin dhe Krimin e Organizuar, sa i takon disponimeve kundrejt Znj. V.H.

2. Miratimin e Vendimit nr. 69, datě 24.09.2026 te Gjykates sě Posaçme të Shkalles së Parë per Korrupsionin dhe Krimin e Organizuar.

3. Në bazë dhe për zbatim të nenit 103 te Kodit të Procedurës Penale, ndalohet publikimi i këtij vendimi deri ně mbylljen e hetimeve paraprake.

4. Kundër këtij vendimi mund te bëhet rekurs në Gjykatën e Larte brenda 45 ditäve, duke nisur ky afat nga e nesërmja e njoftimit te vendimit te arsyetuar”, thuhet në vendimin e gjykatës.

/rtsh.al/