Presidenti amerikan, Donald Trump, ka pranuar se lufta me Iranin ishte një nga faktorët kryesorë që ndikuan në humbjen e Partisë Republikane në zgjedhjet e mesmandatit në SHBA, por ka thënë se do ta ndërmerrte sërish të njëjtin veprim nëse do të ishte e nevojshme.
Në komentet e tij të para para kamerave pas zgjedhjeve, Trump tha se ishte “kryesisht e vërtetë” se lufta me Iranin kishte ndikuar në humbjen e republikanëve.
Më herët, edhe nënpresidenti amerikan, JD Vance, kishte deklaruar se lufta ishte “arsyeja pse humbëm”, duke iu referuar rezultatit zgjedhor.
Ndërkohë, demokratët kanë fituar bindshëm zgjedhjet e mesmandatit, duke marrë kontrollin e Senatit dhe Dhomës së Përfaqësuesve nga republikanët.
Megjithatë, rezultatet për dy vende në Senat ende nuk janë përcaktuar. Në Misisipi, gara mes dy partive mbetet jashtëzakonisht e ngushtë, ndërsa në Alaskë numërimi i votave po vazhdon me ritëm të ngadaltë.
Pas humbjes, vëmendja është përqendruar te hapat e ardhshëm të Trumpit dhe mënyrat se si ai mund të pengojë nismat e demokratëve në Kongres.Bottom of Form