Egnatia zbret sot në fushën e lojës për ndeshjen e tretë të fazës së ligës në UEFA Conference League. Kampionët e Shqipërisë do të përballen me skuadrën rumune të Universitatea Craiova, në një sfidë që do të zhvillohet në stadiumin “Ion Oblemenco”, duke nisur nga ora 21:00.
Skuadra e drejtuar nga Nevil Dede udhëton drejt Rumanisë me objektivin për të vijuar ecurinë pozitive në kompeticionin europian dhe për të marrë një rezultat sa më të mirë në këtë transfertë.
Në dy takimet e para të fazës së ligës, Egnatia ka arritur të marrë dy pikë, falë barazimeve të regjistruara ndaj skuadrave daneze Midtjylland dhe Aarhus. Rezultate që kanë dëshmuar se rrogozhinasit mund të rivalizojnë edhe përballë kundërshtarëve me eksperiencë në arenën ndërkombëtare.
Përballë Universitatea Craiova, sfida pritet të jetë një tjetër test i rëndësishëm për kampionët shqiptarë, të cilët do të kërkojnë të shfrytëzojnë momentin pozitiv dhe të bëjnë një tjetër hap përpara në aventurën europiane.
Egnatia synon të konfirmojë paraqitjet e mira dhe të rikthehet nga Rumania me një rezultat që do të forconte pozitat e saj në fazën e ligës së Conference League.