Arsenali po kalon një periudhë fantastike dhe duket se nuk ka ndërmend të ndalet. Skuadra e drejtuar nga Mikel Arteta ka ndërtuar një ritëm mbresëlënës, duke regjistruar 57 fitore në 79 ndeshjet e zhvilluara që nga fillimi i sezonit 2025/26.
Londinezët kanë arritur të rikthehen te titulli kampion në Angli pas shumë vitesh pritjeje, ndërsa kanë qenë shumë pranë një suksesi historik edhe në Champions League, ku humbën vetëm pas gjuajtjes së penalltive në finalen e kompeticionit.
Edhe në sezonin aktual, Arsenali ka konfirmuar vazhdimësinë e rezultateve pozitive. Në 16 ndeshjet e fundit, skuadra ka regjistruar 13 fitore, dy barazime dhe vetëm një humbje, ndaj Brightonit në kampionat. Barazimet janë arritur kundër Bayern Munich dhe Fleetwood, me këtë të fundit që u eliminua më pas nga londinezët pas gjuajtjes së penalltive në EFL Cup.
Statistikat janë mbresëlënëse: në totalin e 79 takimeve, Arsenali numëron 57 fitore, 14 barazime dhe vetëm tetë humbje, me një përqindje fitoresh prej 72.15%. Vetëm në sezonin aktual, kjo shifër arrin në 81.25%.
Një tjetër përforcim në repartin ofensiv, veçanërisht në krahun e sulmit për të krijuar alternativa dhe për të mbuluar rolin e Martinellit, mund ta bëjë skuadrën e Artetës edhe më të frikshme.