Ministri Malaj prezanton efektet e paketës fiskale: Do të rrisë të ardhurat 40 mln euro

Në diskutimet për të ardhurat dhe shpenzimet buxhetore për vitin 2027, Ministri i Financave Petrit Malaj në Komisionin e Ekonomisë, Punësimit dhe Financave deklaroi se efekti neto i paketës fiskale arrin në vlerën e 3,7 mld lekëve apo rreth 40 mln euro.

“Efektet e Paketës Fiskale 2027 dhe masave buxhetore për vitin 2027, në masën 3.7 miliardë lekë (TVSH nga rritja e akcizës + TVSH nga ulja e pragut, minus TVSH nga 6% produktet e shportës plus TVSH nga rritja e normës)”, pohoi Malaj.

Me paketën fiskale Ministria e Financave propozon 9 masa fiskale me efekte të kundërta në të ardhurat e buxhetit.

Ministri Malaj në komision prezantoi efektet për të ardhurat në buxhet për secilën masë.

–Projektligji “Për disa shtesa dhe një ndryshim në ligjin nr. 29/2023, “Për tatimin mbi të ardhurat”, të ndryshuar”, i cili pritet të ketë një efekt prej 1,78 miliardë lekë;

-Projektligji “Për disa ndryshime në ligjin nr. 92/2014, ‘Për tatimin mbi vlerën e shtuar në Republikën e Shqipërisë’, i ndryshuar”, i cili pritet që të ketë një efekt për vitin 2027 minus 1.58 miliardë lekë.

Vendimi i Këshillit të Ministrave  nr. 822, datë 28.10.2026 “Për disa ndryshime në vendimin nr. 953, datë 29.12.2014, “Për dispozitat zbatuese të ligjit nr. 92/2014, ‘Për Tatimin mbi Vlerën e Shtuar në Republikën e Shqipërisë’, të ndryshuar”.

Vendimi përcakton uljen e kufirit minimal të regjistrimit për Tatimin mbi Vlerën e Shtuar nga 10  milionë lekë, në vlerën 5  milionë lekë, nga data 1 janar 2027.

-Projektligji “Për disa ndryshime dhe shtesa në ligjin nr. 9920, datë 19.5.2008, “Për procedurat tatimore në Republikën e Shqipërisë”, të ndryshuar”.

-Projektligji “Për disa shtesa dhe ndryshime në ligjin nr. 61/2012 ‘Për akcizat në Republikën e Shqipërisë’, të ndryshuar, që pritet të prodhojnë efektet e tyre në të ardhurat e parashikuara për vitin 2027”.