Elton Tozaj është dhunuar barbarisht pasditen e kësaj të enjteje. Lajmin e ka bërë të ditur vetë ai përmes një postimi në InstaStory, ku ka publikuar një fotografi në të cilën shfaqet i “mbuluar” në gjak.
Deri më tani, Tozaj nuk ka dhënë detaje lidhur me rrethanat e ngjarjes apo personat që mund të jenë përfshirë.
“Kushdo që e bëri këtë, do ta paguajë shumë shtrenjtë! Nuk më ndalni dot.”- shkruan ai krahas fotos.
Kujtojmë se kjo nuk është hera e parë që gazetari dhunohet pasi edhe më herët ai është sulmuar fizikisht, duke pësuar dëmtime serioze.
Elton Tozaj është një personazh i njohur në rrjetet sociale, ku shpeshherë është vënë në qendër të vëmendjes për denoncimet e forta të tij. Ai ka bërë denoncime nga fusha e showbiz-it, sidomos kur shpërtheu skandali i Adi Hilës, e deri tek afera të politikanëve të njohur.
