Egnatia luajti ndeshjen e tretë në fazën e ligës së UEFA Conference League, ku u mund me rezultatin 2-0 nga Universitatea Craiova në transfertë, në stadiumin “Ion Oblemenco”.
Skuadra rumune shënoi dy herë në pjesën e parë, me anë të Alexandru Cicâldău në minutën e 24-t dhe Nicușor Bancu në minutën e 32-të. Në pjesën e dytë, rezultati mbeti i pandryshuar, ndërsa Egnatia e mbylli takimin me dhjetë lojtarë pas daljes me karton të kuq të Eneo Bitrit.
Ndeshjen e radhës në këtë kompeticion, kampionët e Shqipërisë do ta luajnë më 26 nëntor, në stadiumin “Air Albania”, ndaj Lincoln Red Imps. Takimi do të nisë në orën 18:45.
