Një pjesë e urës Valle dei Fiori, në autostradën A25 në Itali, është shembur me shpërthim të kontrolluar gjatë një operacioni të zhvilluar në orët e para të mëngjesit. Pamjet tregojnë momentin kur struktura shembet pas aktivizimit të lëndëve shpërthyese.
Operacioni u krye në zonën e Pratola Peligna, në provincën e L’Aquila-s, dhe përfshiu pjesën perëndimore të urës, në drejtim të Romës.
Shembja ishte pjesë e një projekti më të gjerë për përforcimin strukturor dhe rritjen e sigurisë sizmike të urave në autostradat A24 dhe A25, me synim përmirësimin e qëndrueshmërisë së tyre ndaj tërmeteve.
Pas përfundimit të ndërhyrjes, qarkullimi në autostradë u rikthye brenda pak orësh në të dyja drejtimet.
Una sequenza spettacolare: le microcariche esplodono e l’impalcato del viadotto Valle dei Fiori, sull’autostrada A25, crolla in pochi istanti. La demolizione è avvenuta nei pressi dello svincolo di Pratola Peligna/Sulmona, in Abruzzo. L’intervento rientra nel piano di adeguamento strutturale e messa in sicurezza sismica dei viadotti. Per consentire le operazioni è stato temporaneamente chiuso il tratto tra Sulmona e Bussi/Popoli.
— La Stampa (@LaStampa) November 5, 2026