Nikolin Pali dyshohet se ka pranuar para autoriteteve greke se, përveç vrasjes së dyfishtë të kryer në Greqi në vitin 2020, ka kryer edhe dy vrasje të tjera në Shqipëri, përpara se të arratisej drejt shtetit fqinj.
Bëhet fjalë për dy vëllezërit Sejdin dhe Seldjan Vucaj, të cilët dyshohet se janë ekzekutuar nga Pali në vitin 2002, në fshatin Shtoj i Vjetër, në Shkodër.
Identiteti i dy viktimave është zbardhur tashmë, ndërsa pretendimet për përfshirjen e shqiptarit në këto dy vrasje pritet të verifikohen nga autoritetet përkatëse.
Ndërkohë, hetimet vijojnë nga pala greke për të zbuluar nëse Nikolin Pali ka lidhje edhe me krime të tjera në shtetin helen.
Autoritetet po vijojnë verifikimet për të dokumentuar plotësisht aktivitetin e tij të dyshuar kriminal dhe për të zbardhur nëse ai është përfshirë në ngjarje të tjera të rënda në Shqipëri apo Greqi.
