Analisti Ilir Kulla ishte sot në Zonë e Lirë News24, ku foli mbi përplasjen e fundit në PS mes Edi Ramës dhe Erion Veliajt.
Kulla mendon se nga ky konflikt humbet ai që ka më shumë, teksa Veliaj nuk ka çfarë të humbasë.
Ai shton se Ramës nuk i intereson tashmë një Arben Ahmetaj tjetër, tashmë nga burgu.
“Rama mund të humbasë diçka. Një Arben Ahmetaj në Zvicër e shikon ku shkoi. Shkojnë njerëz në burgje. Përmend emra ai dhe të gjitha i ka SPAK. Çfarë do krijojë ai një Ben Ahmetaj nga burgu. A ka kuptim që shumica të hyjë në një betejë pa kuptim me dikë nga burgu.
Duke njohur Erionin, Erioni nuk punon kundër partisë. Nga brenda mund të punojë kundra. Do ishte rasti i parë që do krijonte një parti nga burgu. Ai është tipi që nuk tërhiqet nga kjo gjë. Unë jam i mendimit që SPAK është shenjtani ka dalë nga shishja. Për rastin Veliaj është ajo që po re nga fiku të ha dhe qeni jot. Por Erioni mund të tërheqë dhe të tjerë nga fiku. Nuk besoj se SPAK është në kontrollin e tij. Nuk është në kontrollin e asnjërit.”– tha analisti.
