Ish-mbrojtësi i Milanit, Alessandro Costacurta, ka kritikuar ashpër skuadrën e Ruben Amorim pas humbjes zhgënjyese ndaj Ferencvaros në “Europa League”, vetëm pak ditë pas fitores në derbin me Interin.

“Për të fituar vazhdimisht duhen mendja dhe vullneti, madje më shumë se forca fizike. Duhet t’i përballosh të gjitha ndeshjet me të njëjtin përkushtim dhe të njëjtën frymë sakrifice”, – deklaroi ai për “Gazzetta dello Sport”.

Sipas tij, Milani e nënvlerësoi kundërshtarin hungarez: “Katër ditë pas një suksesi si fitorja 3-1 ndaj Interit, disa mendojnë se janë bërë të fortë. Ky është një gabim i rëndë”.

Ai kritikoi edhe gabimet individuale të Musah, Diawara dhe Cissé, por veçoi Adrien Rabiot: “Për mendimin tim, lojtari më i dobët në fushë ishte Rabiot, lider dhe një nga mesfushorët më të mirë në botë.

Nëse luan te Milani dhe nuk ke dëshirën e vendosmërinë për ta përballuar çdo ndeshje sikur të ishte derbi, duhet të qëndrosh në shtëpi, ose në stol”.