Egnatia mund të vijojë aventurën europiane edhe pas përfundimit të fazës së ligës në Conference League. Sipas një projeksioni të publikuar nga faqja e statistikave “Football Meets Data”, skuadra rrogozhinase pritet ta mbyllë këtë fazë në vendin e 19-të, pozicion që i siguron vazhdimin e garës në fazën Play-Off.
Ky parashikim bazohet në një simulim të rezultateve të ndeshjeve të mbetura, ku secila sfidë e fazës së ligës zhvillohet vetëm një herë, në vend që të llogaritet mesatarja e mijëra simulimeve.
Deri në këtë moment, Egnatia ka grumbulluar 2 pikë në tri ndeshjet e para të fazës së ligës. Megjithatë, sipas projeksionit, kampionët shqiptarë kanë ende mundësinë të sigurojnë një vend në fazën pasardhëse dhe të zgjasin rrugëtimin e tyre në arenën europiane.