Leonora Jakupi ka tërhequr vëmendjen me dy postime të publikuara në Instagram, vetëm pak orë pas Prime-it të mbrëmshëm të “Big Brother VIP Kosova 5”.
Këngëtarja, e cila vitin e kaluar ishte pjesë e këtij formati në rolin e opinionistes, ka ndarë dy mesazhe me tone ironike, pa përmendur emra konkretë, por që janë interpretuar si kunja të mundshme ndaj zhvillimeve të fundit në BBVK.
“Me m’ngu mu TikTok do ta hiqja nga përdorimi”, shkruan Leonora në postimin e parë, të cilin e shoqëron edhe me emoji.
Por nuk ka përfunduar me kaq. Në një tjetër reagim, këngëtarja ka bërë një deklaratë që ka ngjallur edhe më shumë kureshtje:
“Dhe për fund, shumë gra nuk e kuptojnë çka është feminizmi”, shkruan ajo.
Postimet vijnë pas një Prime-i të shoqëruar me diskutime të shumta në rrjetet sociale, veçanërisht pas përballjes mes Jonës dhe Doresës, e cila ka nxitur reagime të shumta nga ndjekësit e formatit.
Mbetet e paqartë nëse mesazhet e Leonorës lidhen drejtpërdrejt me këtë përplasje apo me ndonjë zhvillim tjetër brenda shtëpisë.
Deri më tani, këngëtarja nuk ka përmendur asnjë emër dhe nuk ka dhënë sqarime të mëtejshme për personat apo situatat të cilave u referohet.
