Shitësja po transmetonin ofertat live, makina futet me shpejtësi brenda dyqanit (VIDEO)

Një incident i pazakontë është regjistruar në Brazil, ku një makinë është përplasur brenda një dyqani veshjesh, pikërisht në momentin kur pronari dhe një punonjës po transmetonin drejtpërdrejt në rrjetet sociale ofertat e Black Friday.

Ngjarja ndodhi të enjten pasdite (5 nëntor), në qytetin Manaus, në shtetin e Amazonas. Momenti i përplasjes u filmua nga kamera që po përdorej për transmetimin LIVE.

Sipas Policisë, shoferja e një automjeti Jeep Renegade humbi kontrollin dhe përfundoi brenda dyqanit Guta, në rrugën Joao Valerio, në lagjen Vieiralves. Ajo u tha efektivëve se e kishte zënë gjumi gjatë drejtimit të automjetit.

Përplasja shkaktoi panik te personat që ndodheshin në dyqan, ndërsa një punonjëse mbeti e plagosur. Në vendngjarje mbërritën ekipet e Shërbimit të Urgjencës Mjekësore (Samu), të cilat i dhanë ndihmën e parë të lënduarës.

Deri më tani, nuk ka informacion nëse punonjësja është transportuar në spital apo mbi gjendjen e saj shëndetësore.

Autoritetet po hetojnë rrethanat e aksidentit, ndërsa kanë në dispozicion edhe pamjet filmike që regjistruan momentin e përplasjes gjatë transmetimit të drejtpërdrejtë.

❌ Chofer echa a perder la mejor escena. Conductora de un Jeep Renegade se quedó dormida al volante e invadió la fachada de la tienda de ropa durante una transmisión en vivo de promociones Blackout/Black Friday. Una empleada resultó herida levemente en el hombro y fue atendida por el SAMU. Fecha: 5 de noviembre de 2026, alrededor de las 16:30. 📍Manaus (Amazonas, #Brasil), Avenida João Valério, conjunto Vieiralves, bairro Nossa Senhora das Graças. Tienda Use Guta Store.

— PERIÓDICO SupreMo 🔴 (@Diario_Supremo) November 6, 2026