'Studentët janë e tashmja dhe e ardhmja e Shqipërisë. Në mbështetje të rinisë që proteston për një të ardhme më të mirë' shkruan kreu i grupit parlamentar të PD-së, Gazment Bardhi në një postim në facebook ndërsa ka bashkangjitur video nga marshimi protestë sot.

Në mbështetje të protestës studentore, opozita zbriti sërish në shesh në protestën e tretë kombëtare këtë të shtunë.

Të rinj demokratë por dhe deputetë u nisën nga selia blu dhe kanë marshuar në drejtim të godinës qeveritare. Pas qëndrimit para godinës së qeverisë më pas të rinjtë demokratë kanë marshuar në bulevardin Dëshmorët e Kombit, në qendër dhe më pas në rrugën e Durrësit ku janë bashkuar me protestuesit përballë Ministrisë së Arsimit.