Pavarësisht ndërhyrjes së policisë me autobotët ujëhedhës për shpërndarjen e tyre, protestuesit janë rigrupuar sërish në disa pika të Tiranës.
Një pjesë e qytetarëve janë mbledhur pranë Parkut Rinia, ndërsa një grup tjetër është pozicionuar në zonën e Piramidës dhe përgjatë Bulevardit.
Pas rigrupimit të protestuesve, policia ka vendosur kordone në zonat ku po zhvillohen grumbullimet. Ndërkohë, është konstatuar edhe lëvizje e automjeteve policore në disa pjesë të kryeqytetit.
Ndërhyrja me ujë me presion nuk ka arritur ta ndërpresë grumbullimin e qytetarëve, të cilët vijojnë të qëndrojnë të shpërndarë në disa pika të Tiranës.
Nëse ke pamje ose informacion për zhvillimet e mëtejshme, mund ta përditësojmë lajmin.
