Sulm me armë në Poloni, pesë viktima dhe 12 të plagosur

Një ngjarje e rëndë ka ndodhur ditën e sotme në sheshin e Krakovit, në Poloni, ku një person ka qëlluar me armë zjarri.

Si pasojë e të shtënave, 5 persona kanë humbur jetën dhe 12 të tjerë kanë mbetur të plagosur.

Sipas policisë polake, incidenti ka ndodhur rreth orës 15:00, në zonën e Rynek Główny, një prej pikave më të frekuentuara të qytetit.

Autoritetet thanë se një burrë kishte hyrë me automjet në shesh dhe më pas kishte filluar të qëllonte në mënyrë të rastësishme drejt njerëzve.

I dyshuari është arrestuar, ndërsa në mesin e të plagosurve raportohet se ka edhe zyrtarë policorë.

Kryeministri polak, Donald Tusk, ka reaguar pas sulmit, duke thënë se po mbahet i informuar për situatën nga ministri i Brendshëm.

“Policia po heton sfondin dhe të gjitha rrethanat e sulmit”, ka deklaruar Tusk.