Vllaznia largohet përkohësisht nga fundi i talebës në Abissnet Superiore, duke arritur në kuotën e 12 pikëve në vendin e 7-të. Kuqeblutë i janë gëzuar 3 pikëve në “Loro Boriçi” me Elbasanin.
Ka mjaftuar një gol në minutën e fundit të pjesë së parë nga Sokol Uldedaj, i pari zyrtar në Superiore me fanelën e Vllaznisë. Marku del në fundore në të majtën, pason në qendër me sferën që mbërrin te Uljdedaj i cili nuk gabon para portës.
Pjesa e dytë ka qenë disi e ekulibruar mes ekipeve, por duhet thënë se portieri Aron Jukaj, ka qenë vendimtar me pritjet e tij, duke mbajtur të paprekur katërkëndëshin e portës.
Pas ndërprerjes për ndeshjet e Kombëtares, Vllaznia do të ketë një përballje të fortë me Partizanin në Tiranë.
