Atletico Madrid-Barcelona në Digitalb/ Supersfida ku në lojë është kreu i renditjes në La Liga

Katalanasit janë 2 pikë përpara Los Colchoneros, të cilët në rast fitoreje do të realizonin parakalimin dhe njëkohësisht do t’i dhuronin Simeones suksesin e 345 në kampionatin spanjoll.

Atletico Madrid vjen në këtë superndeshje pas 7 fitoreve radhazi në kampionat, pavarësish humbjes në Ligën e Kampioneve ndaj Bayernit të Mynihut. Në anën tjetër Barcelona vjen pas suksesit 6-1 ndaj Deportivo Alaves dhe me një sulm të jashtëzakonshëm që ka shënuar 46 gola në 11 ndeshje kampionat dhe tani kërkojnë fitoren e 6 radhazi në transfertë.

‘Duam të fitojmë në Madrid edhe pse do të jetë e vështirë-ishin fjalët e Hansi Flick që është i vendosur të mbrojë vendin e parë me trajnerin gjerman që foli edhe për rinovimin e Raphinhas, shënuesi më i mirë i kampionatit me 15 gola. ‘është një futbollist i madh, është kapiteni ynë dhe është shumë i rëndësishëm për projektin tonë’

Në krahun tjetër, Diego Simeone pranoi forcën e kundërshtarëve, ndërkohë që te Atletico vëmendja do të jetë te Julian Alvarez që është gati të pajtohet përfundimisht me publikun pas tensioneve të muajve te verës. ‘Julian është shumë mirë’-tha Simeone, ndërkohë që Flick që preferoi të mos e zgjasë shumë: ‘Julian është një futbollist fantastik, por luan te Atletico. Unë përqendrohem te skuadra ime’.

Formacionet e mundshme

Zgjedhjet e formacioneve kushtëzohen nga infermieritë e skuadrave respektive. Te Atletico, Simeone do të duhet të heqë dorë nga Cristian Romero në mbrojtje, ndërsa Barcelona paraqitet pa disa emra të rëndësishëm si Koundé, Xavi Espart, Dani Olmo e sidomos Rodri, mungesa që kompensohen pjesërisht me rikthimet e Eric Garcia dhe Christensen. Në fushë vëmendja do të jetë edhe te Alex Baena, protagonist në përfshirjen e tij në 8 gola dhe te Anthiny Gordon që ka shënuar 6 gola në 10 ndeshjet e fundit.

ATLETICO MADRID (4-4-2): Oblak; Llorente, Pubill, Hancko, Grimaldo; Simeone, Barrios, Hjulmand, Baena; Lee, Alvarez

BARCELONA (4-2-3-1): Garcia; Cancelo, Cubarsí, De Jong, Farinas; Rodri, Pedri; Yamal, Lopez, Adeyemi; Raphinha.

Top Channel