Përplasen dy trena në jug të Kajros, 4 viktima dhe 88 të plagosur

Dy trena pasagjerësh u përplasën rreth 76 km në jug të Kajros të dielën, duke vrarë të paktën katër persona dhe duke plagosur 88 të tjerë. Lajmin e njoftoi ministria e shëndetësisë e Egjiptit.

Autoriteti shtetëror hekurudhor tha se një tren që udhëtonte nga Giza për në Fayoum u përplas me një tjetër që udhëtonte nga Kajro për në Asuan, duke nxjerrë nga shinat disa vagona.

Presidenti Abdel Fattah al-Sisi urdhëroi një hetim të shpejtë dhe tha se kushdo që gjendet neglizhent duhet të mbahet përgjegjës, sipas një deklarate të veçantë.

Ekipet e emergjencës po pastronin rrënojat për të rivendosur shërbimet në linjën Kajro-Egjipti i Sipërm, tha autoriteti hekurudhor, pa dhënë asnjë indikacion se sa kohë do të zgjaste kjo.