Policia e Tiranës ka arrestuar Robert Duka, 50 vjeç, nga Vlora, i dyshuar si autor i grabitjes së një banke të nivelit të dytë në zonën e Komunës së Parisit.
Ngjarja ndodhi më 2 nëntor, rreth orës 10:45, kur një person i maskuar hyri në ambientet e bankës dhe, nën kërcënimin e një sendi që ngjante me armë zjarri, arriti të marrë me vete 60 mijë euro.
Fillimisht, autori kërcënoi punonjësin e sigurisë dhe më pas iu drejtua sporteleve, ku mori paratë.
Pas grabitjes së parave, ai u largua me një monopatinë elektrike, në drejtim të stadiumit “Selman Stërmasi”.
50-vjeçari u lokalizua dhe u arrestua nga policia pranë Rrugës së Kosovarëve në Tiranë.
Ndërkohë, Duka dyshohet edhe si autor i një tjetër grabitjeje banke, të ndodhur disa muaj më parë, po në zonën e Komunës së Parisit. Hetimet vijojnë për dokumentimin e plotë të ngjarjeve.
© SYRI.net
Goditet rrjeti i trafikut në Romë, 2 shqiptarë nën hetim - 25 persona të përfshirë, 850 kg drogë e trafikuar
‘Banka e Fshehtë’/ Zbardhen detajet e dosjes së antimafias: Gjurmët e ndërmjetësit shqiptar dhe alarmi për Shqipërinë
Aksident i rëndë në Durrës/ Makina merr para shtyllën elektrike dhe 2 automjete, shoferi në gjendje të rëndë 
Denonco
Merrni lajmet më të fundit nga SYRI.net në çdo moment dhe kudo që të jeni!
