Te Bayern Munich po shtohet shqetësimi lidhur me gjendjen e Jamal Musiala. Talenti gjerman, i cili është përballur me probleme shëndetësore që kanë kufizuar disponueshmërinë e tij, është rikthyer në stërvitje me skuadrën dhe mund të jetë sërish i gatshëm pas ndërprerjes për ndeshjet e kombëtareve.

Megjithatë, Uli Hoeness, presidenti i nderit i klubit bavarez, ka ngritur pikëpyetje mbi mundësinë e një rikuperimi të plotë. komentet e tij theksojnë pasigurinë që rrethon të ardhmen e mesfushorit, në shkurt të vitit 2025, nënshkroi një zgjatje të kontratës deri në vitin 2030, me një pagë prej 25 milionë eurosh në sezon.

“Ai ndodhet në një situatë të ndërlikuar: vuan nga një gjendje që nuk shërohet lehtë, ndonëse mund të menaxhohet deri diku me medikamente. Megjithatë, nuk e dimë nëse ai do të jetë ndonjëherë në gjendje të luajë siç luante dikur“, deklaroi Hoeness.

“Ai vazhdon të marrë pagën e tij, por imagjinoni sikur Bayern ta vinte në dyshim kontratën. Aftësitë e tij aktuale nuk përputhen më me kushtet e asaj marrëveshjeje“, shtoi ai. Deklarata nënvizojnë shqetësimet e drejtuesit, duke e lënë plotësisht të pasigurt ecurinë e mëtejshme të gjendjes së lojtarit.