Presidenti i Shteteve të Bashkuara të Amerikës, Donald Trump, la të kuptohet se territori i Ukrainës mund të pësojë ndryshime në kuadër të një marrëveshjeje të ardhshme me Rusinë, vetëm pak ditë përpara zhvillimit të bisedimeve të ndërmjetësuara nga SHBA-ja mes Kievit dhe Moskës në Abu Dhabi.

“Besoj se do ta arrijmë marrëveshjen dhe se kjo do të ndodhë. Në fund, Ukraina do të ketë një formë paksa të ndryshme”, deklaroi Trump në një intervistë për emisionin “60 Minutes” të televizionit CBS, të publikuar të hënën.

Deklaratat e tij vijnë në prag të negociatave trepalëshe mes Ukrainës, Rusisë dhe Shteteve të Bashkuara, të planifikuara për datat 10–11 nëntor në Abu Dhabi, në Emiratet e Bashkuara Arabe.

Trump u shpreh optimist për arritjen e një marrëveshjeje, megjithëse Kievi dhe Moska vijojnë të kenë qëndrime thellësisht të kundërta lidhur me çështjen e territoreve dhe garancitë e sigurisë që do të shoqëronin një armëpushim.

“Po zhvillohet një takim shumë i rëndësishëm”, tha Trump. “Besoj se kjo luftë do të përfundojë dhe se do të përfundojë së shpejti. Dhe e vetmja arsye që do të përfundojë është unë”.

Presidenti amerikan nuk dha hollësi të mëtejshme se çfarë nënkuptonte me ndryshimin e kufijve të Ukrainës dhe as nuk specifikoi se cilat ndryshime territoriale mund të përfshihen në një marrëveshje të mundshme.


Lajmi kryesor:

Hakerët zbulojnë të dhënat sekrete të Rusisë, rreth 400 mijë të vrarë në Ukrainë! Kushner: Për paqen duhet dialog mes Moskës dhe-Europës