Italia humbet shërbimin e Nicolo Zaniolos për dy ndeshjet e fundit të Nations League ndaj Francës dhe Belgjikës.
Fantazisti i Udineses që u rikthye të jetë pjesë e Të Kaltërve pas dy vitesh, u largua nga grumbullimi i skuadrës në Coverciane për arsye personale dhe kështu nuk do të jetë në dispozicion të Roberto Mancinit.
Vetë trajneri nuk ka bërë të ditur nëse do të zëvendësojë apo jo Zaniolon në skuadër. Italia do të luajë fillimisht ndaj Francës në 12 nëntor në Milano dhe më pas do të udhëtojë drejt Brukselit për ndeshjen me Belgjikën e programuar për t’u luajtur në 15 nëntor.
Skuadra e Të Kaltërve është në Grupin A1 të Nations League dhe pas 4 ndeshjeve të para e sheh veten në vendin e dytë me 7 pikë, 3 më pak se Franca kryesuese, ndërsa Belgjika është e treta me 6 pikë e ndjekur në vendin e fundit nga Turqia që nuk ka asnjë pikë.
Top Channel
