Zelenskyy kërkon një përfaqësues të vetëm të Evropës në negociatat me Rusinë dhe SHBA-në

Presidenti ukrainas Volodymyr Zelenskyy ka bërë thirrje që vendet evropiane të zgjedhin një përfaqësues të vetëm, i cili do të flasë në emër të tyre në negociatat me Rusinë dhe Shtetet e Bashkuara.

Gjatë një takimi me kryeministren daneze Mette Frederiksen në Universitetin e Kopenhagenit, Zelenskyy theksoi se Evropa duhet të koordinojë qëndrimin e saj dhe të vendosë se kush do ta përfaqësojë në tryezën e negociatave.

“Evropa duhet të vendosë se kush e përfaqëson Evropën. Tani është koha për të zgjedhur se kush do ta përfaqësojë Evropën”, deklaroi ai.

Sipas presidentit ukrainas, megjithëse zëri i çdo vendi evropian ka rëndësi, një numër i madh përfaqësuesish mund ta vështirësojë procesin e negociatave.

“Të gjithë duan të përfaqësojnë. Zëri i të gjithëve është shumë i rëndësishëm. Por 40 persona nuk mund të flasin me presidentin rus Vladimir Putin”, u shpreh Zelenskyy.

Ai përmendi takimet në Danimarkë dhe një takim të planifikuar në Berlin më 19 nëntor si mundësi për liderët evropianë që të arrijnë një marrëveshje për përfaqësimin e përbashkët.

Duke folur për negociatat trepalëshe që po zhvillohen në Abu Dhabi mes përfaqësuesve të Ukrainës, Rusisë dhe SHBA-së, Zelenskyy pranoi se bisedimet me Moskën mbeten të vështira.

“Sapo kam komunikuar me ekipin tonë në Abu Dhabi. Është e vështirë me rusët. Ata nuk janë miqtë tanë më të mirë”, deklaroi presidenti ukrainas.