Skandali seksual trondit autorin e librave për fëmijë, David Walliams/ Akuzohet për ngacmimin e vajzave të mitura, BBC tërheq programet e tij 10/11 20:20
Skema e ngjyrave
Madhësia e shkrimit
Irani këmbëngul se aktualisht nuk ka negociata me Shtetet e Bashkuara dhe se çdo përpjekje për rifillimin e dialogut duhet të paraprihet nga plotësimi i shtatë kushteve të vendosura nga Teherani.
Deklarata është bërë nga Mohsen Rezaei, sekretari i Këshillit Suprem të Sigurisë Kombëtare të Iranit, në një intervistë për televizionin Al Mayadeen. Ai tha se Teherani i ka kërkuar Uashingtonit një përgjigje të qartë dhe të drejtpërdrejtë për kushtet e paraqitura, por deri tani nuk ka marrë një përgjigje përfundimtare.
Sipas Rezaeit, përmbushja e këtyre kushteve është e domosdoshme për rihapjen e Ngushticës së Hormuzit dhe rifillimin e negociatave mes dy vendeve.
Qëndrimi i Iranit vjen në një kohë kur përpjekjet diplomatike për t’i dhënë fund konfliktit vijojnë përmes ndërmjetësimit të Katarit. Kryeministri i këtij vendi është takuar të hënën me presidentin amerikan Donald Trump, në kuadër të përpjekjeve për të gjetur një zgjidhje.
Pas takimit, Trump deklaroi se sheh një moment pozitiv drejt përfundimit të konfliktit dhe se rifillimi i sulmeve të mëdha ndaj Iranit duket pak i mundshëm në këtë fazë. Megjithatë, presidenti amerikan nuk e ka përjashtuar plotësisht mundësinë e veprimeve ushtarake.
Ndërkohë, Teherani vijon të kushtëzojë çdo marrëveshje me plotësimin e kërkesave të tij, duke e bërë rihapjen e Ngushticës së Hormuzit një nga pikat kryesore të përplasjes me Uashingtonin, raporton Reuters.
Top Channel
