Pedro Porro ka komentuar zërat se Barcelona po interesohet për të, duke thënë se vëmendja e një klubi të madh është vlerësim që i bën mirë çdo lojtari.
Në një intervistë për mediumin SPORT, mbrojtësi i djathtë i Tottenhamit u shpreh i kënaqur që emri i tij po përmendet në lidhje me një prej klubeve më të mëdha të futbollit.
Të lidhura
None found
I pyetur nëse ndihet i vlerësuar nga interesimi i raportuar i katalunasve, reprezentuesi spanjoll tha: “Po, sigurisht që të bën të ndihesh mirë. Kur një prej klubeve më të mira në botë interesohet për ty, ose të paktën kështu thuhet, është gjithmonë pozitive, sepse me gjasë tregon se po e bëj mirë punën time. Më duhet të vazhdoj në të njëjtën rrugë”.
Emri i Porros ishte lidhur me Barcelonën gjatë afatit kalimtar të verës. Në raportime ishte përmendur edhe Real Madridi si klub që po ndiqte situatën e tij, por mbrojtësi kishte sqaruar më herët se asnjëra prej dy skuadrave spanjolle nuk kishte paraqitur ofertë konkrete.
Futbollisti 27-vjeçar ka kontratë me Tottenhamin deri në qershor të vitit 2031. Ai e vazhdoi marrëveshjen para Kupës së Botës 2026.
Porro nuk e ka fshehur dëshirën për t’u kthyer një ditë në futbollin spanjoll, ndërsa për momentin është i përkushtuar ndaj klubit londinez.
Barcelona po vlerëson mundësitë për krahun e djathtë të mbrojtjes, ndërsa përvoja dhe paraqitjet e Porros mund ta bëjnë atë një alternativë interesante për drejtuesit katalunas.
