Një divorc i mundshëm mes Jensen Huang, drejtuesit të Nvidia-s, dhe bashkëshortes së tij Lori Mills, mund të kthehet në një nga ndarjet më të mëdha të pasurisë në histori, me një vlerë që sipas vlerësimeve mediatike mund të arrijë deri në 80 miliardë dollarë.

Thashethemet për një ndarje kanë qarkulluar pas raportimeve për një marrëdhënie të dyshuar jashtëmartesore të Huang me një grua që pretendohet se ka lidhje me inteligjencën kineze. Megjithatë, deri më tani, as Jensen Huang dhe as bashkëshortja e tij nuk kanë konfirmuar një divorc apo këto pretendime.

Sipas vlerësimeve të cituara nga mediat amerikane dhe aziatike, pasuria që mund të përfshihej në një ndarje të mundshme lidhet kryesisht me aksionet e Nvidia-s. Duke qenë se kompania u themelua në vitin 1993, tetë vite pas martesës së çiftit, një pjesë e pasurisë mund të konsiderohet pronë e përbashkët, në varësi të marrëveshjeve dhe rrethanave ligjore.

Ndërkohë, vëmendja është përqendruar edhe te e ardhmja e Huang në krye të gjigantit teknologjik. Një largim i mundshëm i Huang do të përbënte një zhvillim të rëndësishëm për Nvidia-n, pasi ai konsiderohet figura qendrore e transformimit të kompanisë në një prej aktorëve kryesorë globalë të inteligjencës artificiale dhe industrisë së gjysmëpërçuesve.

/rtsh.al/