Policia Ushtarake shumëkombëshe e KFOR-it zhvilloi një trajnim të përbashkët në kampin Bondsteel, ku morën pjesë përfaqësues nga 10 shtete.
KFOR-i njoftoi se synimi i aktivitetit ishte ndarja e përvojave, rritja e aftësive profesionale dhe forcimi i bashkëveprimit mes pjesëtarëve të Policisë Ushtarake.
Të lidhura
None found
Gjatë ushtrimeve, pjesëmarrësit punuan së bashku me skenarë të ndryshëm dhe ndanë njohuritë, ekspertizën e praktikat e mira profesionale.
Misioni theksoi se përfshirja e shumë shteteve u dha pjesëmarrësve mundësinë të njiheshin me qasje dhe përvoja të ndryshme, duke rritur bashkëpunimin dhe kohezionin e ekipit.
Sipas misionit të NATO-s në Kosovë, trajnimet e rregullta kontribuojnë në koordinim më të mirë dhe gatishmëri operacionale për t’iu përgjigjur skenarëve të ndryshëm të sigurisë.
KFOR-i përsëriti se mbetet i përkushtuar në përmbushjen e mandatit të tij, në përputhje me Rezolutën 1244 të Këshillit të Sigurimit të OKB-së.
