Portugalia tronditet financiarisht nga largimi i Cristiano Ronaldos, 100 milionë euro dëm
Largimi i Cristiano Ronaldos nga Kombëtarja e Portugalisë mund të ketë një ndikim të konsiderueshëm jo vetëm në aspektin sportiv, por edhe në atë ekonomik. Sipas vlerësimeve të disa analistëve, mungesa e yllit portugez mund t’i shkaktojë vendit humbje financiare që arrijnë deri në 100 milionë euro.
Prania e Ronaldos me fanellën e kombëtares vlerësohet të ketë gjeneruar rreth 160 milionë euro të ardhura, falë ndikimit të tij në marketing, sponsorizime, shitjen e fanellave dhe interesin ndërkombëtar që ai ka krijuar rreth futbollit portugez.
Për më shumë se dy dekada, CR7 ka qenë një prej figurave kryesore të futbollit botëror, duke e kthyer emrin e tij në një markë me ndikim global. Përtej rekordeve dhe sukseseve në fushën e blertë, Ronaldo ka luajtur një rol të rëndësishëm edhe në rritjen e vlerës komerciale të Kombëtares portugeze.
Kështu, një largim i mundshëm i tij do të shënonte jo vetëm fundin e një epoke sportive, por mund të sillte edhe pasoja të ndjeshme ekonomike për futbollin portugez.
