Të dhënat e Eurostat tregojnë se në Maqedoni, gjatë vitit 2024, u regjistruan 1.10 vrasje për 100,000 banorë. Kjo shifër është më e ulët se ajo e vitit 2014, kur treguesi ishte 1.21.
Ndër vendet e rajonit, shkallën më të lartë e ka Mali i Zi, me 1.92 vrasje për 100,000 banorë. Bullgaria regjistron 1.23, Serbia 0.82 dhe Greqia 0.78.
Të lidhura
None found
Në Bashkimin Evropian, gjatë vitit 2024, Lituania kryeson me 2.63 vrasje për 100,000 banorë, e ndjekur nga Letonia me 2.40 dhe Estonia me 1.82.
Në skajin tjetër të renditjes është Luksemburgu, me shkallën më të ulët prej 0.30 vrasjesh për 100,000 banorë. Pas tij renditen Italia me 0.57 dhe Republika Çeke me 0.63.
Megjithëse ka shkallën më të lartë në BE, Lituania ka shënuar edhe rënien më të madhe në krahasim me vitin 2014, kur kjo normë ishte më shumë se dyfishi i nivelit të vitit 2024. Rënie gjatë dekadës së fundit është vërejtur edhe në Maqedoni.
