Ndërtohet ura e re në Peqin, rikthehet lidhja me 7 fshatra

Aktualitet | 1 minutë më parë

Ka përfunduar ndërtimi i urës së re metalike të tipit Bailey në Peqin, duke rikthyer lidhjen infrastrukturore për banorët e disa fshatrave të zonës.

Lajmi është bërë i ditur nga Ministria e Mbrojtjes, e cila njofton se Batalioni i Xhenios ka përfunduar ndërtimin e urës me gjatësi 24 metra dhe kapacitet mbajtës deri në 10 ton.

Vënia në funksion e saj lehtëson qarkullimin dhe përmirëson aksesin e banorëve të fshatrave Karinë, Drungaj, Sinametaj, Triballie, Thartor, Garunjë e Vogël dhe Vrap drejt shërbimeve bazë.

Ndërtimi i urës është realizuar nga Batalioni i Xhenios, në kuadër të angazhimit të Komandës Mbështetëse pranë Ministrisë së Mbrojtjes për të mbështetur komunitetet dhe për të përmirësuar infrastrukturën në shërbim të qytetarëve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.