Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë për Parandalimin e Korrupsionit do të mblidhet sot, në orën 09:30, për të shqyrtuar vendimin e presidentes për kthimin në rishqyrtim të Ligjit për Dhomat e Specializuara.

Sipas rendit të ditës, në këtë mbledhje do të shqyrtohet vendimi i presidentes për kthimin në rishqyrtim të Ligjit nr. 11/L-001, për ndryshimin dhe plotësimin e Ligjit nr. 05/L-053 për Dhomat e Specializuara dhe Zyrën e Prokurorit të Specializuar.

Ligji për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar u miratua në Kuvendin e Kosovës, por më pas u kthye për rishqyrtim nga presidentja Justina Shiroka-Pula, pas kërkesës së Partisë Demokratike të Kosovës (PDK), e cila ishte edhe nismëtare e ndryshimeve.

Sipas Presidencës, kërkesa e PDK-së kishte të bënte veçanërisht me dispozitat që lidhen me juridiksionin dhe mandatin e Dhomave të Specializuara, si dhe me garantimin e të drejtave kushtetuese të personave që po gjykohen në Hagë.

PDK-ja, në njoftimin e saj, ka sqaruar se kërkesa për kthimin e ligjit në Kuvend nuk nënkupton nisjen e procedurave nga fillimi, por rishqyrtimin dhe plotësimin e dispozitave të caktuara, me qëllim të forcimit të sigurisë juridike dhe shmangies së pengesave të mundshme në zbatimin e tij.

Sipas PDK-së, ky proces synon që ligji të finalizohet dhe të hyjë në fuqi, ndërsa partia ka shprehur pritjen që ai të miratohet sërish brenda katër javësh.

IN Promo Marketing

Telefoni që dikur konsiderohej i pariparueshëm, sot mund të ketë një shans të dytë – ZONE Mobile ngrit nivelin e...

Barni – ëmbëlsia e fëmijërisë

Prishtinë–Basel, dy fluturime në ditë me PrishtinaTickets – rezervoni tani!