Ndalohet drejtori i Spitalit të Fierit, Arben Voja! Merret në pyetje nga prokurorët e SPAK dhe agjentë të BKH-së

Drejtori i Spitalit Rajonal Fier, Arben Voja është shoqëruar këtë të enjte në ambientet e Drejtorisë Vendore të Policisë Fier, ku po merret në pyetje nga dy prokurorë të Prokurorisë së Posaçme, SPAK dhe agjentë të Byrosë Kombëtare të Hetimit, BKH.

Sipas burimeve nga Policia e Fierit, Voja vijon të qëndrojë në ambientet e policisë, ndërsa për momentin nuk ka informacion nëse ndaj tij është lëshuar një vendim gjykate për ndalimin. Mësohet se Prokuroria e Fierit ka lëshuar 4 masa ‘arrest ne burg’ mes tyre edhe Vojo.

Burime gjithashtu bëjnë me dije se dosja hetimore përfshin edhe periudhën kur Voja ka mbajtur detyrën e drejtorit të Kadastrës së Fierit. Bëhet fjalë për 44 mijë m2 toke shtet e dhënë një biznesmeni me akte false për park fotovoltaik.

Hetimet vijojnë, ndërsa pritet që autoritetet të japin detaje të mëtejshme mbi dosjen dhe dyshimet që kanë çuar në arrestimin e tij.