Ariana Grande shfaqet për herë të parë publikisht me partnerin Ricky Alvarez
Këngëtarja e njohur amerikane, Ariana Grande, ka bërë paraqitjen e saj të parë publike në krah të partnerit Ricky Alvarez. Çifti mori pjesë në premierën e filmit “Focker-in-Law”, të mërkurën, më 11 nëntor, në Nju Jork.
Për këtë event, Grande zgjodhi një fustan elegant në nuanca të bardha dhe gri të çelët, me detaje floreale në pjesën e sipërme. Ndërsa Alvarez u shfaq me një xhaketë të zezë, këmishë të bardhë dhe pantallona xhins. Të dy pozuan të përqafuar para fotografëve, duke shkëmbyer buzëqeshje.
Thashethemet për një ribashkim të tyre nisën në qershor, kur u panë duke drekuar së bashku në Austin të Teksasit. Në gusht, këngëtarja shtoi dyshimet pasi publikoi në Instagram disa fotografi ku shfaqej me Alvarez. Pak para daljes së tyre publike, edhe ai kishte ndarë një selfie të çiftit në rrjetet sociale.
Ariana Grande dhe Ricky Alvarez njihen prej vitesh. Ata u takuan gjatë turneut “Honeymoon Tour”, në periudhën 2014-2015, kur Alvarez ishte një prej valltarëve të këngëtares. Marrëdhënia e tyre romantike nisi në prill të vitit 2015, por u ndërpre në korrik të vitit 2016.
