Deputeti i Aleancës për Shqiptarët, Halil Snopçe, e cilëson shqetësuese për funksionimin e demokracisë parlamentare atë që po ndodh në Kuvend gjatë seancës së pyetjeve të deputetëve.
Sipas tij, deputetët e opozitës kanë të drejtë të garantuar t’i drejtojnë pyetje Qeverisë për një periudhë prej dy orësh. Ai kundërshton ndërprerjen e kësaj mundësie për shkak të një pauze dhe arsyetimin e mëvonshëm se afati dyorësh ka përfunduar, duke e quajtur këtë një interpretim absurd të Rregullores së Kuvendit.
Të lidhura
None found
Snopçe e përshkruan si një lloj «skizofrenie politike» përdorimin e kohës së kaluar në pauzë si argument për t’ua mohuar deputetëve një të drejtë që u garantohet për dy orë. Ai thotë gjithashtu se, ndërsa po fliste nga vendi, koordinatori i OBRM-PDUKM-së e ndërpreu, ndaj nuk arriti ta përfundonte fjalën.
