Kryeministri në detyrë i Kosovës, Albin Kurti, u takua me Sekretarin e Përgjithshëm të Këshillit të Evropës, Alain Berset, gjatë punimeve të Samitit të Komunitetit Politik Evropian (EPC). Në qendër të takimit ishte anëtarësimi i Kosovës në Këshillin e Evropës.
Në një postim në Facebook, Kurti bëri të ditur se në takimin e sotëm me Berset kishin vijuar diskutimet për pranimin e Republikës së Kosovës në këtë organizatë.
Të lidhura
None found
Kurti e cilësoi anëtarësimin tejet të rëndësishëm, pasi ai do t’i mundësonte Kosovës të merrte pjesë në mekanizmat evropianë për mbrojtjen e të drejtave dhe lirive themelore, ndërsa qytetarëve do t’u jepte qasje në Gjykatën Evropiane për të Drejtat e Njeriut.
