Transferimi nga burgu i Durrësit në Fier, Veliaj kallëzon në prokurori drejtoreshën e Burgjeve

Aktualitet | 1 minutë më parë

Kryetari i Bashkisë së Tiranës, Erion Veliaj, ka depozituar një kallëzim në Prokurorinë e Tiranës ndaj drejtoreshës së Përgjithshme të Burgjeve, Sadleva Bodo.

Kallëzimi është depozituar më 10 nëntor, pas vendimit për transferimin e Veliajt nga Institucioni i Ekzekutimit të Vendimeve Penale në Durrës në atë të Fierit.

Transferimi u krye më 28 tetor, me urdhër të firmosur nga drejtoresha e Përgjithshme e Burgjeve, Sadleva Bodo. Veliaj qëndronte në burgun e Durrësit që prej arrestimit të tij.

Nga ana tjetër, Drejtoria e Përgjithshme e Burgjeve argumentoi se transferimi ishte pjesë e masave të marra për garantimin e sigurisë dhe mbarëvajtjen e institucioneve penitenciare.

Urdhri për transferimin u klasifikua si sekret shtetëror, me afat ruajtjeje 2-vjeçar.

Gazetare: Flutura Tota

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.