Kompania Rajonale e Ujësjellësit (KRU) “Gjakova” ka apeluar te konsumatorët e zonës së Rekës së Keqe që të mos e përdorin ujin për pije, pasi analizat e fundit kanë treguar se turbullira e tij ka tejkaluar vlerat e lejuara për konsum.
Përmes një njoftimi, KRU “Gjakova” ka bërë të ditur se ndalesa do të mbetet në fuqi deri në konfirmimin se uji është i sigurt për konsum.
“Sipas rezultateve të fundit të analizave, turbullira e ujit ka tejkaluar vlerat e lejuara për konsum”, thuhet në njoftim.
Kompania ka kërkuar nga konsumatorët e kësaj zone që të respektojnë rekomandimin deri në një njoftim të radhës.
“Për çdo ndryshim të gjendjes, konsumatorët do të njoftohen me kohë”, ka bërë të ditur KRU “Gjakova”. /Telegrafi/
