Një defekt i konstatuar në rrjetin e furnizimit me ujë të pijshëm ka shkaktuar ndërprerjen e furnizimit për banorët e lagjes nr. 17 në qytetin e Korçës.
Ndërprerja po vijon, ndërsa grupet e punës të Ujësjellës Kanalizimeve kanë dalë në terren për të riparuar defektin dhe për të rikthyer furnizimin me ujë.
Sipas njoftimit të Ujësjellës Kanalizimeve Korçë, furnizimi pritet të normalizohet pas përfundimit të ndërhyrjes në rrjet.
Ndërkohë, shqetësime për mungesën e ujit janë raportuar edhe nga banorë të zonave të tjera të qytetit, të cilët bëjnë me dije se defekti duket se ka prekur edhe pjesë të tjera të Korçës.
