Kosova nuk ka shkuar dot më shumë se barazimi 0-0 ndaj Izraelit, në sfidën e luajtur në “Fadil Vokrri”, e vlefshme për Ligën e Kombeve, raundi i pestë.

Dardanët e nisën vrullshëm, duke iu afruar golit që në minutën e 8-të, por goditja e Edon Zhegrovës, përfundoi ngjitur me shtyllën e majtë.

Në minutën e 41-të, Milot Rashica kërcen lart për të goditur topin pas një goditjeje nga këndi dhe tenton ta dërgojë topin me kokë drejt portës, por godet vetëm traversën. Pjesa e parë mbyllet 0-0.

Në minutën e 67-të, Kosova mbetet me një lojtar më pak pas kartonit të dytë të verdhë të Veldin Hoxhës, i cili del nga fusha e lojës. Në minutën e 73-të, goditja e Edon Zhegrovës kalon vetëm pak centimetra larg shtyllës së djathtë.

Rezultati final 0-0. Kosova mban vendin e dytë në grup me 6 pikë, Izraeli vendin e fundit me 3 pikë.