Klosi sqaron deklaratat për Spiropalin dhe Ndrecën, por mbetet e paqartë pse nuk pati votim në Asamble 14/11 18:06
Skema e ngjyrave
Madhësia e shkrimit
Kryetari i Partisë Mundësia, Agron Shehaj, ka akuzuar klasën politike se po përgatit pazarin e radhës përmes Reformës Zgjedhore, me qëllim ruajtjen e pushtetit.
Nga protesta, Shehaj deklaroi se ndërsa prej gjashtë muajsh qytetarët kërkojnë largimin e Edi Ramës dhe të klasës së vjetër politike, kjo e fundit po përpiqet të ndryshojë sistemin zgjedhor sipas interesave të saj, nën pretekstin e forcimit të demokracisë.
Shehaj theksoi se protesta nuk do të ndalet dhe se beteja për një Shqipëri ndryshe do të vazhdojë deri në largimin e klasës së vjetër politike.
“6 muaj protestë për të larguar Edi Ramën, për të larguar klasën e vjetër politike. Ndërkohë këta çfarë bëjnë, ulen me njëri-tjetrin, duan të bëjnë pazarin e radhës. Gjoja do ndryshojnë sistemin zgjedhor në të mirë të demokracisë, në të mirë të Shqipërisë dhe të shqiptarëve.
Por kjo nuk është e vërtetë! E vetmja gjë që duan, duan të gatuajnë një sistem zgjedhor për të mbajtur pushtetin e tyre.
Por kjo nuk ka për të ndodhur sepse protesta nuk ndalet! Lufta, beteja për një Shqipëri ndryshe, për të ardhmen e shqiptarëve vazhdon, derisa t’i japim fund kësaj klase të korruptuar politike”, deklaroi Shehaj.
Top Channel
