Në një reagim në rrjetin social Facebook, ku ka kujtuar rrugëtimin historik të Kosovës, rolin e liderëve dhe sakrificat për liri, nënkryetari i Lidhjes Demokratike të Kosovës (LDK), Lutfi Haziri, është ndalur te përpjekjet e hershme të popullit për t’u shkëputur përfundimisht nga e kaluara totalitare dhe simbolet e saj.
Haziri ka theksuar se pavarësisht fshirjes së gjurmëve fizike të regjimit të vjetër nga ambientet dhe institucionet, nostalgjia tek disa individë mbetet një sfidë e kujtesës kolektive.
“Edhe foton e Titos ua larguam nga dhomat e shtëpive, emrin e shkruar ua larguam nga librat dhe mendjet e tyre, por nostalgjinë për të, si duket, jo,” ka shprehur ai, duke vënë në pah se populli mban mend gjatë dhe se ndërtimi i së ardhmes kërkoi një shkëputje të thellë nga e kaluara.
