Ministrja e Shëndetësisë dhe Mbrojtjes Sociale, Klodiana Spahiu, ka ndarë një mesazh nga Shtëpia e Foshnjës “Hannah dhe Rozafa”.

Përmes një reagimi në rrjetet sociale, Spahiu thekson rëndësinë e reformës së deinstitucionalizimit dhe zgjerimit të kujdesit alternativ, me synimin për të krijuar më shumë mundësi që fëmijët të rriten në një mjedis familjar të sigurt.

Sipas ministres, në kuadër të kësaj nisme parashikohet përfshirja e 200 familjeve kujdestare, të cilat do të kontribuojnë në ofrimin e kujdesit dhe mbështetjes për fëmijët që kanë nevojë.

“E diela nis në Shtëpinë e Foshnjës ‘Hannah dhe Rozafa’ me vëmendjen te kujdesi dhe mirëqenia e çdo fëmije. Përmes reformës së deinstitucionalizimit dhe zgjerimit të kujdesit alternativ, ku do të përfshihen 200 familje kujdestare, synojmë që më shumë fëmijë të rriten në një mjedis familjar të sigurt, me kujdesin dhe mbështetjen që meritojnë”, shkruan ministrja Spahiu.

/rtsh.al/