Ministria e Arsimit ka emëruar 3 përfaqësuesit e saj në Bordin e Administrimit të Universitetit “Luigj Gurakuqi”. Vlen të theksohet se janë rikonfirmuar në këtë organizëm, 2 nga 3 emrat që janëe dhe aktualisht anëtarë.
Genc Spahia dhe Ermira Repaj, janë dy anëtarët e rikonfirmuar teksa nuk i është rinovuar besimi i Ministrisë së Arsimit Ema Kristos. Ajo do të zëvëndësohet nga Ana Kapaj, e cila është aktualisht zëvendësministre e Arsimit.
Ndërkohë, si përfaqësues i studentëve, deri në zgjedhjet që do të bëhen nga vetë studentët, do të vijojë të jetë Kristjan Preçetaj. Do të jenë vetë studentët që do ta zgjedhin në vijim dhe Ministri i Arsimit ka të drejtën eemërimit të njëris nga 2 studentët më të votuar.
Plotësohet kështu Bordi i Administrimit i UNISHK, pasi më herët u zgjodhën përfaqësues të kësaj IAL-je Adrian Leka, Peter Saraçi dhe Entela Baci Hoxhaj. Në mbledhjen e parë, Bordi duhet të zgjedhë nga radhët e veta edhe kryetarin e tij. Aktualisht këtë pozicion e mban Adrian Leka.
