Një tjetër goditje e Ukrainës ndaj urës së Krimesë ka sjellë kufizime në lëvizjen e trenave dhe automjeteve. Ura është ndër lidhjet më të rëndësishme të Rusisë me gadishullin e aneksuar nga Moska.
Sulmin dhe ndikimin e tij në funksionimin e urës i njoftoi Sergei Aksyonov, kreu i autoriteteve lokale në Krime, i emëruar nga Rusia. Në një postim në Telegram, ai shkroi se ura ishte goditur nga armiku dhe se trafiku, me shumë mundësi, do të mbetej i kufizuar deri në mesditë.
Të lidhura
None found
Sipas Aksyonov, të gjitha shërbimet përkatëse janë mobilizuar për të përballuar situatën dhe për të garantuar sigurinë.
E quajtur edhe Ura e Kerçit, ajo ka rëndësi strategjike për Moskën sepse siguron lidhje të drejtpërdrejtë rrugore dhe hekurudhore mes territorit rus dhe Krimesë, të aneksuar nga Rusia në vitin 2014.
Rëndësia e saj për logjistikën dhe ushtrinë e ka bërë urën objektiv të përsëritur të sulmeve ukrainase gjatë luftës, të cilat kanë sjellë ndërprerje të qarkullimit.






