Një moment emocionues pas fitores 2-0 ndaj Bjellorusisë. Trajneri Rolando Maran iu drejtua futbollisteve me fjalë zemre, duke vlerësuar përkushtimin, sakrificën dhe krenarinë për fanellën që përfaqësojnë.
Fitorja 2-0 ndaj Bjellorusisë solli jo vetëm gëzim në fushë, por edhe emocione të veçanta. Pas përfundimit të ndeshjes, Rolando Maran mbajti një fjalim motivues për futbollistet, duke vlerësuar rrugëtimin dhe shpirtin e treguar nga skuadra. Me fjalë të sinqerta dhe plot emocion, Maran theksoi se të gjithë ata që e duan këtë fanellë kanë arsye të ndihen krenarë.
“Ata që e duan këtë fanellë mund të jenë vetëm krenarë për ju. E përjetuam shkëlqyeshëm këtë aventurë, ashtu siç duhej të ishte. E meritonim të ishim këtu dhe t’ua dhuronim këtë gëzim tifozëve tanë. Përgëzime!”, ishte mesazhi i trajnerit.
Fitorja ndaj Bjellorusisë ishte momenti i duhur për të festuar, por mbi të gjitha për të vlerësuar një grup futbollistesh që treguan karakter, përkushtim dhe dashuri për fanellën.
